Íslensku vefverðlaunin eru uppskeruhátíð vefiðnaðarins, haldin með það að markmiði að efla hann, verðlauna bestu vefina og hvetja þá sem starfa á þessum vettvangi til dáða.
Íslensku vefverðlaunin 2011 fara fram í 11 sinn þann 3. febrúar 2012. Opnað hefur verið fyrir tilnefningar og verður skráning opin fram til 7. janúar 2011.
Tekið er við tilnefningum í 7 flokkum
Fyrirkomulagið er með sama hætti og í fyrra og veitt eru verðlaun í 7 flokkum. Eingöngu er hægt að tilnefna vefi í einum flokki. Dómnefnd veitir þar að auki verðlaun í 3 sérstökum flokkum.
- Tilnefna vef til Íslensku vefverðlaunanna 2011
- Nánari upplýsingar um verðlaunaflokkana.
- Nánari upplýsingar um aðferðarfræðina sem stuðst verður við.
Gjaldskrá tilnefninga:
- Tilnefning allra flokka utan Besta blogg/efnistök/myndefni 9.900 krónur
- Tilnefning Besta blogg/efnistök/myndefni er 1.000 krónur
Tilnefningar yfir fimm bestu vefina í hverjum flokki verða gerðar opinberar einni viku fyrir verðlaunaathöfnina. Staður og stund verðlaunaafhendingarinnar verður auglýst betur þegar nær dregur.
Tilnefning í dómnefnd
Við hvetjum áhugasama sérfræðinga í vefmálum að tilnefna sig eða aðra í hina íslensku vefakademíu, dómnefnd vefverðlaunanna.
